12«إنَّ لي أُمورًا كثيرَةً أيضًا لأقولَ لكُمْ، ولكن لا تستَطيعونَ أنْ تحتَمِلوا الآنَ. 13وأمّا مَتَى جاءَ ذاكَ، روحُ الحَقِّ، فهو يُرشِدُكُمْ إلَى جميعِ الحَقِّ، لأنَّهُ لا يتَكلَّمُ مِنْ نَفسِهِ، بل كُلُّ ما يَسمَعُ يتَكلَّمُ بهِ، ويُخبِرُكُمْ بأُمورٍ آتيَةٍ. 14ذاكَ يُمَجِّدُني، لأنَّهُ يأخُذُ مِمّا لي ويُخبِرُكُمْ. 15كُلُّ ما للآبِ هو لي. لهذا قُلتُ: إنَّهُ يأخُذُ مِمّا لي ويُخبِرُكُمْ.
وَأَنَا أَطْلُبُ مِنَ الآبِ فَيُعْطِيكُمْ مُعَزِّياً آخَرَ لِيَمْكُثَ مَعَكُمْ إِلَى الأَبَدِ. رُوحُ الْحَقِّ الَّذِي لاَ يَسْتَطِيعُ الْعَالَمُ أَنْ يَقْبَلَهُ لأَنَّهُ لاَ يَرَاهُ وَلاَ يَعْرِفُهُ وَأَمَّا أَنْتُمْ فَتَعْرِفُونَهُ لأَنَّهُ مَاكِثٌ مَعَكُمْ وَيَكُونُ فِيكُمْ”
الإنجيل يوحنا 14: 16-17، 26
برشا مرات نلقى ناس من أصحابنا المسلمين يستشهدوا بالأيات هذوما ويقولوا أنو هذي نبوة على قدوم نبي الاسلام وأنو كلمة المعزي هي تحكي على النبي محمد.
وديما يجي لبالي سؤال وقت إلّي نسمع واحد يستشهد بالأيات هذوما:
خويا المسلم توا أنت من شيرا تقول إلّي الإنجيل محرّف وتتهم كلمة الله أنها تحرفت وتغيرت ومن شيرا أخرى تقول إلّي الإنجيل ذكر النبي محمد وأنو باش يجي؟ مش تناقض هذا؟
أحنا كي نقراو كلمة الله نقراوها بدقة وتمعن وما ناخذوش كلمة ونقصوها من سياقها وهذاكا علاش باش ندرس معاكم اللمقطع هذا ونفهموا مع بعضنا على شكون يحكي السيد المسيح.
1- المسيحيين يؤمنو بالكتاب المقدس الكل وبالأيات هذوما وتفسير المسيحيين الكل للأيات هذوما هو أنو بعد قيامة المسيح وطلوعو للسما وعد أنو باش يبعثلنا الروح القدس، روح الله يسكن في وسط المؤمنين ويرشدنا ويوجهنا للحق في كل تفاصيل حياتنا. هذا هو إيماننا ومش الأية هذي بركا تأكد النقطة هذي. مكتوب زادا في الإنجيل
ومَتَى جاءَ المُعَزّي الّذي سأُرسِلُهُ أنا إلَيكُمْ مِنَ الآبِ، روحُ الحَقِّ، الّذي مِنْ عِندِ الآبِ يَنبَثِقُ، فهو يَشهَدُ لي الإنجيل يوحنا15: 26
“وَأَمَّا الْمُعَزِّي الرُّوحُ الْقُدُسُ الَّذِي سَيُرْسِلُهُ الآبُ بِاسْمِي فَهُوَ يُعَلِّمُكُمْ كُلَّ شَيْءٍ وَيُذَكِّرُكُمْ بِكُلِّ مَا قُلْتُهُ لَكُمْ” (أعمال الرسل 1: 4-5).
الوعد هذا تحقق في الإنجيل ومؤرخ ومكتوب أنو بعد عشر أيام من صعود المسيح للسماء حل الروح القدس على التلاميذ متع المسيح:
وَلَمَّا حَضَرَ يَوْمُ الْخَمْسِينَ كَانَ الْجَمِيعُ مَعاً بِنَفْسٍ وَاحِدَةٍ وَصَارَ بَغْتَةً مِنَ السَّمَاءِ صَوْتٌ كَمَا مِنْ هُبُوبِ رِيحٍ عَاصِفَةٍ وَمَلأَ كُلَّ الْبَيْتِ حَيْثُ كَانُوا جَالِسِينَ وَظَهَرَتْ لَهُمْ أَلْسِنَةٌ مُنْقَسِمَةٌ كَأَنَّهَا مِنْ نَارٍ وَاسْتَقَرَّتْ عَلَى كُلِّ وَاحِدٍ مِنْهُمْ. وَامْتَلأَ الْجَمِيعُ مِنَ الرُّوحِ الْقُدُسِ وَابْتَدَأُوا يَتَكَلَّمُونَ بِأَلْسِنَةٍ أُخْرَى كَمَا أَعْطَاهُمُ الرُّوحُ أَنْ يَنْطِقُوا” (أعمال الرسل 2: 1-4).
كانت هذي نقطة التحول عند التلاميذ وبعد ما كانو مخبيين خايفين من ردة فعل الناس ولاّو يحكيوا على رسالة المسيح والإنجيل بكل شجاعة
2- السيد المسيح قال في الأيات هذوما أنو هو إلّي باش يبعث المعزّي روح الحق. لو أنت تقول أنو المعزّي هو رسول الإسلام لازم تأكّد أنّو السيد المسيح هو إلّي بعثو.
3- لِيَمْكُثَ مَعَكُمْ إِلَى الأَبَدِ: أكد السيد المسيح أنو روح الحق هو باش يقعد معاهم للأبد أما رسول الإسلام عاش ومات في فترة معينة ومقعدش للأبد. ما تنجمش تاخوا كلمة وتسيب كلمة بحسب رغبتك. أنت تعرف أنو رسول الإسلام معاشش للأبد وقبرو موجود. فأكيد متنجمش هذي العبارة تنطبق عليه.
4- . رُوحُ الْحَقِّ الَّذِي لاَ يَسْتَطِيعُ الْعَالَمُ أَنْ يَقْبَلَهُ لأَنَّهُ لاَ يَرَاهُ وَلاَ يَعْرِفُهُ: تورّينا الأية هذي أنّو المعزّي هو روح ميتشافش. والعالم إلّي ميعرفوش المسيح وميؤمنوش بيه مينجموش يشوفوه ولا يكونو في علاقة معاه.
5- يَعْرِفُهُ وَأَمَّا أَنْتُمْ فَتَعْرِفُونَهُ لأَنَّهُ مَاكِثٌ مَعَكُمْ وَيَكُونُ فِيكُمْ: في المسيحية نحنا نؤمنوا أنو كي تقبل المسيح في حياتك، الروح القدس يسكن فينا. تنجم تنطبق الأيات هذوما على نبي الإسلام؟
5- فهو يَشهَدُ لي: السيد المسيح قال أنو المعزّي باش يشهد على المسيح وزادا مكتوب أنو ذاكَ يُمَجِّدُني، لأنَّهُ يأخُذُ مِمّا لي ويُخبِرُكُمْ. وبالطبيعة ما فما حتى مسلم ينجم يقول أنو نبي الإسلام كانت مهمتو هي الشهادة للمسيح
ّصفات المعزّي بحسب الأيات هذوما هي: هو روح ميتشافش، يسكن في وسط المؤمنين، موجود لللأبد، معزّي، يشهد على المسيح، يمجّد المسيح. هذي الحاجات متنجمش تنطبق على نبي الإسلام.
النتيجة الحاسمة أنه مفماش لا في التوراة، ولا في الزابور، ولا عند النبيين، ولا في الإنجيل، حتى إشارة إلى محمد نبي الإسلام على خاطر المسيح هو خاتمة النبوة والكتاب.
لو عندك سؤال أو إستفسار إكتبلنا في الفاسبوك وفما شكون يتواصل معاك