زعما شكونو يسوع؟

شكون حسب رايك أعظم انسان في كل زمان؟ شكون تحسو أعظم قائد وأعظم معلّم؟ شكون اللّي عاش أطهر حياة في تاريخ البشرية الكل؟

لو تمشي أي بلاصة في العالم وحتى لو هوما من ديانات ومعتقدات أخرى باش تلقى الناس اللي عندهم شوية معرفة يعترفو انّو يسوع مفمّاش كيفو ما بين البشر الكل… يسوع غيّر التاريخ الكل وحتى لو تحل جريدة عادية تلقاها تشهد اللّي يسوع المسيح عاش على الارض من اكثر من الفين سنة على خاطرنا حتى في تواريخنا العادية نحطو العام بالميلادي معنتها بعد ميلاد المسيح.

نبوّات على المسيح قبل ما يجي:

كان فمّا برشا أنبياء خبّرو انو المسيح جاي قبل ما يتولد بميات السنين. العهد القديم اللي هو متكون من التوراة وكتب الانبياء فيه اكثر من 300 نبوّة تحكي على المسيح والنبوات هذي الكلها تحققت بالتفصيل ومنها ولادتو المعجزة وحياتو من غير حتى ذنب وموتو وقيامتو مالموت. مكتوب في كتاب النبي اشعياء.

“وَلَكِنَّ السَّيِّدَ نَفْسَهُ يُعْطِيكُمْ آيَةً: هَا الْعَذْرَاءُ تَحْبَلُ وَتَلِدُ ابْناً، وَتَدْعُو اسْمَهُ عِمَّانُوئِيلَ“. (أي الله معنا) أشعياء 7: 14

“لأَنَّهُ يُوْلَدُ لَنَا وَلَدٌ وَيُعْطَى لَنَا ابْنٌ يَحْمِلُ الرِّيَاسَةَ عَلَى كَتِفِهِ، وَيُدْعَى اسْمُهُ عَجِيباً، مُشِيراً، إِلَهاً قَدِيراً، أَباً أَبَدِيًّا، رَئِيسَ السَّلاَمِ.” اشعياء 9: 6

وهذي النبوات تكتبت 780 سنة قبل الميلاد.
الحياة اللّي عاشها يسوع والمعجزات اللّي عملها والكلمات اللّي قالها وموتو على على الصليب ومن بعد قيامو وطلوعو للسما، هذي الكل تورّينا انو المسيح ماهوش انسان عادي أما اكثر. المسيح قال في الانجيل

“أَنَا وَالآبُ وَاحِدٌ!” الانجيل بحسب يوحنا 10: 30

“لَّذِي رَآنِي رَأَى الآبَ” الانجيل بحسب يوحنا 14: 9

” أَنَا هُوَ الطَّرِيقُ وَالْحَقُّ وَالْحَيَاةُ. لَا يَأْتِي أَحَدٌ إِلَى الآبِ إِلاَّ بِي.” الانجيل بحسب يوحنا 14: 6

المسيح هو كلمة الله اللي تجسد في صورة انسان وعاش ما بين اناس وكان كيما واحد كيفنا أما من غير حتى خطية (معصية).

حياتو ورسالتو:

يسوع حقّق النبوة اللّي قالها النبي اشعيا واللي تقول:

“رُوحُ السَّيِّدِ الرَّبِّ عَلَيَّ، لأَنَّ الرَّبَّ مَسَحَنِي لأُبَشِّرَ الْمَسَاكِينَ، أَرْسَلَنِي لأُضَمِّدَ جِرَاحَ الْمُنْكَسِرِي الْقُلُوبِ، لأُنَادِيَ لِلْمَسْبِيِّينَ بِالعِتْقِ وَلِلْمَأْسُورِينَ بِالْحُرِّيَّةِ، لأُعْلِنَ سَنَةَ الرَّبِّ الْمَقْبُولَةَ، وَيَوْمَ انْتِقَامٍ لإِلَهِنَا، لأُعَزِّيَ جَمِيعَ النَّائِحِينَ.” اشعياء 61: 1

اقرا الانجيل واكتشف حياة المسيح وكيفاش طبع بصمات ما تتنحّاش في التاريخ والتأثير متاعو على حياة الشعوب وعلى مر الزمان.

أقرا تعاليمو قداشي قويّة كيما قداسة الزواج والمحبة وحقوق المرأة… تعاليم تزيد ترفع مالمستوى متع أي مجتمع يتبّعها ويعيشها خاطرها تعاليم تغيّر القلوب متع الناس مش القشرة البرّانية. بدا يسوع التعليم متاعو وهو عمرو ثلاثين واختار 12 تلميذ باش يكونو معاه ويرسلهم ينشرو رسالتو.

شكونو يسوع المسيح بالنسبة ليك؟ حياتك على الارض وبعد الموت كلها مربوطة بجوابك على السؤال هذا.

“فِي الْأَصْلِ كَانَ الْكَلِمَةُ. وَكَانَ الْكَلِمَةُ عِنْدَ اللهِ. وَالْكَلِمَةُ هُوَ ذَاتُ الْإِلَهِ، فَإِنَّهُ كَانَ فِي الْأَصْلِ عِنْدَ اللهِ. بِوَاسِطَتِهِ خَلَقَ اللهُ كُلَّ شَيْءٍ، وَبِغَيْرِهِ لَمْ يُخْلَقْ شَيْءٌ.” الانجيل بحسب يوحنا 1: 1-3.

شنوة تفهم مالايات هذوما؟ يسوع المسيح هو الكلمة الازلية وهو اللي بيه تخلق كل شيء ومن غيرو ماكان شي. الكلمة، الله، تجسّد في صورة انسان وهو كيما يقول الكتاب المقدّس الله الظاهر في الجسد.

في الانجيل نلقاو معجزة عملها يسوع مع واحد ماللّي تولد وهو أعمى:

“وَعَرَفَ يَسُوعُ بِطَرْدِهِ خَارِجاً، فَقَصَدَ إِلَيْهِ وَسَأَلَهُ: «أَتُؤْمِنُ بِابْنِ اللهِ؟» أَجَابَ: «مَنْ هُوَ يَاسَيِّدُ حَتىَّ أُومِنَ بِهِ؟» فَقَالَ لَهُ يَسُوعُ: «الَّذِي قَدْ رَأَيْتَهُ، وَالَّذِي يُكَلِّمُكَ، هُوَ نَفْسُهُ!» فَقَالَ: «أُومِنُ يَاسَيِّدُ!» وَسَجَدَ لَهُ.” الانجيل بحسب يوحنا 9: 35 – 38.

(لو تحب تعرف شمعنتها المسيح ولد ربي

شوف المقال هذا).

علاش المسيح خلاّ الراجل يسجد ليه؟ شكون الوحيد اللّي لازم نعبدوه؟

وفي الانجيل زادا مكتوب

“عَلِمَ يَسُوعُ نِيَّاتِ قُلُوبِهِمْ” الانجيل بحسب لوقا 9: 47.

شكون ينجّم يقرا أفكار العباد الاخرين؟فمّا انسان ينجّم يعمل هذا؟

“أَبُوكُمْ إِبْرَاهِيمُ ابْتَهَجَ لِرَجَائِهِ أَنْ يَرَى يَوْمِي، فَرَآهُ وَفَرِحَ فَقَالَ لَهُ الْيَهُودُ: «لَيْسَ لَكَ مِنَ الْعُمْرِ خَمْسُونَ سَنَةً بَعْدُ فَكَيْفَ رَأَيْتَ إِبْرَاهِيمَ؟» أَجَابَهُمْ: الْحَقَّ الْحَقَّ أَقُولُ لَكُمْ: «إِنَّنِي كَائِنٌ مِنْ قَبْلِ أَنْ يَكُونَ إِبْرَاهِيمُ». فَرَفَعُوا حِجَارَةً لِيَرْجُمُوهُ، وَلكِنَّهُ أَخْفَى نَفْسَهُ وَخَرَجَ مِنَ الْهَيْكَلِ.” الانجيل بحسب يوحنا 8: 56-59.

كيفاش المسيح موجود قبل ابراهيم؟ حتّى اليهود فهمو انه يقصد انّه هو الله الظاهر في الجسد وهذاكا علاش كانت ردة الفعل متاعهم صعيبة وحبّو يرجموه.

تولد بطريقة معجزية وعاش حياة من غير حتى ذنب ومعجزات ما تتعدّش (شفى مرضى وقيّم موتى…) وكان عندو سلطة على الطبيعة (وقّف الريح وهدّى البحر الهايج) وتعليمو القوي اللّي يغيّر القلوب وشهادة الناس عليه حتى عدوّينو وقيامتو من الموت وقبرو الفارغ…وزيد على هذا لازمنا مجلّد على النبوات اللي قالوها الانبيا في العهد القديم وشهادة الفلاسفة والكتاب والقادة والاثار القديمة لكل حاجة عملها.

لازم نفهمو حاجة مهمة وهي انّو المسيح هو الله اللّي خذا جسد وروح انسان وهذا مش صعيب ولا مستحيل على ربي على خاطر ربي قادر على كل شي ووقت اللّي تصلب المسيح ومات احنا مانقولوش اللي ربي مات. حاشا وكلاّ انو نقولو هكا وكيما يقول الانجيل:

“الَّذِي وَحْدَهُ لاَ فَنَاءَ لَهُ، السَّاكِنُ فِي نُورٍ لاَ يُدْنَى مِنْهُ، الَّذِي لَمْ يَرَهُ أَيُّ إِنْسَانٍ وَلاَ يَقْدِرُ أَنْ يَرَاهُ. لَهُ الْكَرَامَةُ وَالْقُدْرَةُ الأَبَدِيَّةُ. آمِين!”. 1 تيموثاوس 6: 16.

وقتلّي تصلب المسيح وتعذب ومات وقتها فارقت روح الانسان جسد الانسان وهذا شمعنتها موت أما روح ربي حي ما يموتش وقعد متّحد بالجسد والروح البشرية. الكلمة تجسّد بالحق مش تمثيل وعاش انسان كامل وخذا جسد بالحق وعاش اللي احنا عشناه وجرّب اللّي جرّبناه ومات باش يفدينا من حكم الموت (شوف

علاش تصلب المسيح في المقال هذا

باش يخلّصنا من حكم الموت علينا وقام مالموت باش يقوّمنا معاه.

كان جا السيد المسيح انسان عادي راهو مكانش موتو كافي للعالم الكل اما على خاطر فيه روح ربي كان ينجم يغفر خطايا العالم الكل ويموت على خاطر الناس الكل في كل الاوقات.

المسيح جا على خاطرك ولخلاصك انت ولحياتك. جا باش يعطيك حياة جديدة ويملاك بالسلام وفرح ما يتنحّا وغفران ابدي.