السيد المسيح بدا خدمتوا للناس على الأرض لفترة قصيرة تقريبا 3 سنين أما في الفترة هذي عمل معجزات ما تتعدّش وما تتحسبش، حاجات عظيمة صارت خلّات الناس تبهت وتقول شكونو هذا إلّي ينجّم يعمل حاجات كيما هكّا. معجزاتو ما كانتش فقط حاجات خارقة للعادة أما كانت أعمال مينجّمش يعملها مخلوق بشري. السّيد المسيح كان يعرف الغيب وكان يقرا النوايا والأفكار وكان ينوّر بصيرة الناس وينجّم يهديهم وكان يجدّد القلوب الميتة وكان عندو سلطان على الطبيعة والمرض وحتّى الموت.
في الإنجيل نلقاوا برشا معجزات للسيد المسيح خلال فترة خدمتوا على الأرض أما مش الكل على خاطر ماكانتش الكتب تكفي باش تحتويها الكل. المعجزات إلّي تذكرت في الإنجيل كانت نماذج تعلّمنا على شكون السيد المسيح وحياتوا وسلطانوا العظيم.
وَهُنَاكَ أُمُورٌ أُخْرَى كَثِيرَةٌ عَمِلَهَا يَسُوعُ، أَظُنُّ أَنَّهَا لَوْ دُوِّنَتْ وَاحِدَةً فَوَاحِدَةً، لَمَا كَانَ الْعَالَمُ كُلُّهُ يَسَعُ مَا دُوِّنَ مِنْ كُتُبٍ الإنجيل: يوحنا21: 25
بالطبيعة ختم السيد المسيح حياتوا على الارض بموتوا على الصليب وقيامتوا من الموت وهزم كلّ قوات الظلمة والشر والموت. وهذي قمّة المعجزات.
كان السيد المسيح كل يوم وهو يتحرّك يصنع معجزات ما تتنساش لليوم.
وَكَانَ يَسُوعُ يَتَنَقَّلُ فِي مِنْطَقَةِ الْجَلِيلِ كُلِّهَا، يُعَلِّمُ فِي مَجَامِعِ الْيَهُودِ، وَيُنَادِي بِبِشَارَةِ الْمَلَكُوتِ، وَيَشْفِي كُلَّ مَرَضٍ وَعِلَّةٍ فِي الشَّعْبِ، فَذَاعَ صِيتُهُ فِي سُورِيَّةَ كُلِّهَا. فَحَمَلُوا إِلَيْهِ مَرْضَاهُمُ الْمُصَابِينَ بِأَمْرَاضٍ وَأَوْجَاعٍ مُخْتَلِفَةٍ، وَالْمَسْكُونِينَ بِالشَّيَاطِينِ، وَالْمَصْرُوعِينَ، وَالْمَشْلُولِينَ، فَشَفَاهُمْ جَمِيعاً. الإنجيل: متى4: 23-24
وَلَمَّا عَبَرُوا إِلَى الضَّفَّةِ الْمُقَابِلَةِ مِنَ الْبُحَيْرَةِ، نَزَلُوا فِي بَلْدَةِ جَنِّسَارَتَ فَعَرَفَهُ أَهْلُ تِلْكَ الْمِنْطَقَةِ، وَأَرْسَلُوا الْخَبَرَ إِلَى الْبِلاَدِ الْمُجَاوِرَةِ، فَأَحْضَرُوا إِلَيْهِ جَمِيعَ الْمَرْضَى، وَطَلَبُوا مِنْهُ أَنْ يَسْمَحَ لَهُمْ بِلَمْسِ طَرَفِ رِدَائِهِ فَقَطْ. وَجَمِيعُ الَّذِينَ لَمَسُوهُ نَالُوا الشِّفَاءَ التَّامَّ. الإنجيل: متى14: 34-36
ثُمَّ انْتَقَلَ يَسُوعُ مِنْ تِلْكَ الْمِنْطَقَةِ، مُتَّجِهاً إِلَى بُحَيْرَةِ الْجَلِيلِ. فَصَعِدَ إِلَى الْجَبَلِ وَجَلَسَ هُنَاكَ. فَجَاءتْ إِلَيْهِ جُمُوعٌ كَثِيرَةٌ وَمَعَهُمْ عُرْجٌ وَمَشْلُولُونَ وَعُمْيٌ وَخُرْسٌ وَغَيْرُهُمْ كَثِيرُونَ، وَطَرَحُوهُمْ عِنْدَ قَدَمَيْهِ، فَشَفَاهُمْ. 31فَدُهِشَتِ الْجُمُوعُ إِذْ رَأَوْا الْخُرْسَ يَنْطِقُونَ، وَالْمَشْلُولِينَ أَصِحَّاءَ، وَالْعُرْجَ يَمْشُونَ، وَالْعُمْيَ يُبْصِرُونَ” الإنجيل: متى15: 29-31
كي كنت نقرا قبل على معجزات السيد المسيح كنت نقول صحيح الإنسان هذا ربي عطاه كرامة كبيرة وخلّاه يعمل معجزات كبيرة وعظيمة أما هذي بإذن الله وفي الآخر ماهو إلاّ رسول عمل معجزات بقدرة ربّي. ممكن أنت زادا تقول نفس الكلام وقت تقرا هالآيات من الإنجيل واليوم نحبك تشوف معايا علاش المعجزات متع السيد المسيح مميّزة ومختلفة. مش هدفي أنّي نبدّلك رأيك وإلاّ نفرض عليك إيماني أما هدفي اليوم هو أنّو أنا وأنت وأي واحد تحبّوا يشارك معاك رحلة الإكتشاف هذي نقراوا مع بعضنا جزء من المعجزات هذوما ونفهموا مع بعضنا بكل موضوعية شنوّة المختلف فيهم.
- سمعت بالنبي يوحنا المعمدان (النبي يحيا بحسب الفكر الإسلامي)؟ النبي هذا جا جست قبل السيد المسيح وكان هو يحضّر في الناس باش يتوبوا وكان يستنّا في مجيئ المسيح إلّي مكتوب في كتب التوراة وكتب الأنبياء أنّو جاي باش يخلّص الشعب والإنسان من الخطيّة والموت الروحي ويعطي حياة جديدة ويكون هو الملك. النبي يوحنا المعمدان كان في السجن وقت إلّي سمع أنّو يسوع المسيح قاعد يصنع في معجزات عظيمة والنّاس الكلها تحكي بيه:
وَلَمَّا سَمِعَ يُوحَنَّا، وَهُوَ فِي السِّجْنِ، بِأَعْمَالِ الْمَسِيحِ، أَرْسَلَ إِلَيْهِ بَعْضَ تَلاَمِيذِهِ، يَسْأَلُهُ: «أَأَنْتَ هُوَ الآتِي، أَمْ نَنْتَظِرُ غَيْرَكَ؟» 4فَأَجَابَهُمْ يَسُوعُ قَائِلاً: «اذْهَبُوا أَخْبِرُوا يُوحَنَّا بِمَا تَسْمَعُونَ وَتَرَوْنَ: الْعُمْيُ يُبْصِرُونَ، وَالْعُرْجُ يَمْشُونَ، وَالْبُرْصُ يُطَهَّرُونَ، وَالصُّمُّ يَسْمَعُونَ، وَالْمَوْتَى يُقَامُونَ، وَالْمَسَاكِينُ يُبَشَّرُونَ. وَطُوبَى لِمَنْ لاَ يَشُكُّ فِيَّ” الإنجيل: متى11: 2-6
النبي يوحنّا المعمدان كان يعرف بالباهي إلّي مكتوب في التوراة وكتب الأنبياء وكي سمع بأعمال المسيح حبّ يتأكّد أنّو هو هذا المسيح المنتظر. شنوّة جاوبوا السيّد المسيح؟ الْعُمْيُ يُبْصِرُونَ، وَالْعُرْجُ يَمْشُونَ، وَالْبُرْصُ يُطَهَّرُونَ، وَالصُّمُّ يَسْمَعُونَ، وَالْمَوْتَى يُقَامُونَ، وَالْمَسَاكِينُ يُبَشَّرُونَ. وَطُوبَى لِمَنْ لاَ يَشُكُّ فِيَّ
هوني السيّد المسيح ماهوش يعدّد في معجزاتو أما يذكّر بيه بآيات تقالت ميات السنين على المسيح المنتظر إلّي جاي يخلّص العالم من الأنبياء. من ميات السنين النبي إشعياء كتب بالوحي متع ربّي:
هُوَ يَأْتِي وَيُخَلِّصُكُمْ حِينَئِذٍ تَتَفَتَحُ عُيُونُ ٱلْعُمْيِ، وَآذَانُ ٱلصُّمِّ تَتَفَتَّحُ. حِينَئِذٍ يَقْفِزُ ٱلْأَعْرَجُ كَٱلْإِيَّلِ وَيَتَرَنَّمُ لِسَانُ ٱلْأَخْرَسِ، لِأَنَّهُ قَدِ ٱنْفَجَرَتْ فِي ٱلْبَرِّيَّةِ مِيَاهٌ، وَأَنْهَارٌ فِي ٱلْقَفْرِ.” إشعياء35: 5-6
معجزات يسوع المسيح هي كانت الدليل القاطع أنّو هو المخلّص إلّي تستنّا فيه الناّس من ميات السنين وإلّي جا باش ينقذ الإنسان من الخطية وبعدو على ربّي
- شوف معايا المعجزة هذي كمثال:
وَإِذَا أَبْرَصُ قَدْ جَاءَ وَسَجَدَ لَهُ قَائِلًا: «يَا سَيِّدُ، إِنْ أَرَدْتَ تَقْدِرْ أَنْ تُطَهِّرَنِي». 3فَمَدَّ يَسُوعُ يَدَهُ وَلَمَسَهُ قَائِلًا: «أُرِيدُ، فَٱطْهُرْ!». وَلِلْوَقْتِ طَهُرَ بَرَصُهُ. الإنجيل: متى8: 2-3
كلّ الانبياء إلّي جاو قبل كانوا كي يحبّوا تصير معجزة كانو يصلّيوا ويطلبوا من ربّي أنّو يتدخّل ويشفي أو يحيي أو يصنع معجزة. أما السيد المسيح في كل معجزات كان يأمر ويقول للحاجة كون وهي تصير كيما هو قال. قال للميّت قُم وقال للمريض إتشفى وخلق عينين للأعمى وقال للأبرص أطهُر ووقّف العاصفة بيدّو.
تنجّم تعاود تقرا معايا معجزة الأبرص؟ المسيح ماقالّوش متسجدليش وإلاّ خلّيني نصلّي لله أنّو يشفيك أما قالو كلمتين «أُرِيدُ، فَٱطْهُرْ!».
تتصوّر إنسان عادي ينجّم يعمل حاجة كيما هكّا؟ كون موضوعي وخمّم فيها بالباهي. أرجع لمعجزات السيد المسيح الكل وشوف السلطان إلّي عندو.
- خلّينا نشوفوا معجزة أخرى عملها السيد المسيح:
1ثُمَّ دَخَلَ كَفْرَنَاحُومَ أَيْضًا بَعْدَ أَيَّامٍ، فَسُمِعَ أَنَّهُ فِي بَيْتٍ. 2وَلِلْوَقْتِ ٱجْتَمَعَ كَثِيرُونَ حَتَّى لَمْ يَعُدْ يَسَعُ وَلَا مَا حَوْلَ ٱلْبَابِ. فَكَانَ يُخَاطِبُهُمْ بِٱلْكَلِمَةِ. 3وَجَاءُوا إِلَيْهِ مُقَدِّمِينَ مَفْلُوجًا يَحْمِلُهُ أَرْبَعَةٌ. 4وَإِذْ لَمْ يَقْدِرُوا أَنْ يَقْتَرِبُوا إِلَيْهِ مِنْ أَجْلِ ٱلْجَمْعِ، كَشَفُوا ٱلسَّقْفَ حَيْثُ كَانَ. وَبَعْدَ مَا نَقَبُوهُ دَلَّوْا ٱلسَّرِيرَ ٱلَّذِي كَانَ ٱلْمَفْلُوجُ مُضْطَجِعًا عَلَيْهِ. 5فَلَمَّا رَأَى يَسُوعُ إِيمَانَهُمْ، قَالَ لِلْمَفْلُوجِ: «يَا بُنَيَّ، مَغْفُورَةٌ لَكَ خَطَايَاكَ». 6وَكَانَ قَوْمٌ مِنَ ٱلْكَتَبَةِ هُنَاكَ جَالِسِينَ يُفَكِّرُونَ فِي قُلُوبِهِمْ: 7«لِمَاذَا يَتَكَلَّمُ هَذَا هَكَذَا بِتَجَادِيفَ؟ مَنْ يَقْدِرُ أَنْ يَغْفِرَ خَطَايَا إِلَّا ٱللهُ وَحْدَهُ؟». 8فَلِلْوَقْتِ شَعَرَ يَسُوعُ بِرُوحِهِ أَنَّهُمْ يُفَكِّرُونَ هَكَذَا فِي أَنْفُسِهِمْ، فَقَالَ لَهُمْ: «لِمَاذَا تُفَكِّرُونَ بِهَذَا فِي قُلُوبِكُمْ؟ 9أَيُّمَا أَيْسَرُ، أَنْ يُقَالَ لِلْمَفْلُوجِ: مَغْفُورَةٌ لَكَ خَطَايَاكَ، أَمْ أَنْ يُقَالَ: قُمْ وَٱحْمِلْ سَرِيرَكَ وَٱمْشِ؟ 10وَلَكِنْ لِكَيْ تَعْلَمُوا أَنَّ لِٱبْنِ ٱلْإِنْسَانِ سُلْطَانًا عَلَى ٱلْأَرْضِ أَنْ يَغْفِرَ ٱلْخَطَايَا». قَالَ لِلْمَفْلُوجِ: 11«لَكَ أَقُولُ: قُمْ وَٱحْمِلْ سَرِيرَكَ وَٱذْهَبْ إِلَى بَيْتِكَ!». 12فَقَامَ لِلْوَقْتِ وَحَمَلَ ٱلسَّرِيرَ وَخَرَجَ قُدَّامَ ٱلْكُلِّ، حَتَّى بُهِتَ ٱلْجَمِيعُ وَمَجَّدُوا ٱللهَ قَائِلِينَ: «مَا رَأَيْنَا مِثْلَ هَذَا قَطُّ!» الإنجيل مرقس2: 1-12
كانت الناس مهتمّة أنّو الراجل العاجز يتشفى ووصلوا أنهم كشفوا السقف باش ينجموا يجيبوه للسّيد المسيح. أما يسوع المسيح قال حاجة مختلفة وعجيبة وقال للمريض إلّي يستنا في الشفاء: «يَا بُنَيَّ، مَغْفُورَةٌ لَكَ خَطَايَاكَ» ووقتها الناس ورجال الدين دخلو بعضهم وقالو في قلبهم: “لِمَاذَا يَتَكَلَّمُ هَذَا هَكَذَا بِتَجَادِيفَ؟ مَنْ يَقْدِرُ أَنْ يَغْفِرَ خَطَايَا إِلَّا ٱللهُ وَحْدَهُ ؟”
السيد المسيح عرف فكرهم وورّاهم السلطان إلّي عندو أنّو يغفر الخطايا مش جست يشفي الناس جسديا. الوحيد القادر أنّو يشفي أرواحنا ويغفر خطايانا ويعطينا حياة جديدة هو ربّي. المعجزات الجسدية عظيمة وقويّة أما ينجموا يعملوها الأنبياء والأتقياء بإذن الله أما الشفاء الروحي والنفسي هذي حاجة لا تُنسب إلاّ لربّي أكاهو.
السيد المسيح كان معجزاتوا كاملة ومفعولها يشمل النفس والروح والجسد. وكان تركيزوا على شفاء أرواحنا وولادتنا في علاقة مع ربّي قبل شفاء أجسادنا الفانية
أسأل روحك بصدق:
فمّا إنسان عادي ينجّم يغفر الذنوب؟
لِكَيْ تَعْلَمُوا أَنَّ لِٱبْنِ ٱلْإِنْسَانِ سُلْطَانًا عَلَى ٱلْأَرْضِ أَنْ يَغْفِرَ ٱلْخَطَايَا الإنجيل مرقس
فمّا إنسان عادي ينجّم يكون عندو سلطان على الطبيعة؟
«مَنْ هُوَ هَذَا؟ فَإِنَّ ٱلرِّيحَ أَيْضًا وَٱلْبَحْرَ يُطِيعَانِهِ!». الإنجيل: مرقس 4: 41
فمّا إنسان عادي عندو سلطان على عالم الملائكة والأرواح الشريرة (الجن)؟
وَإِذَا مَلَائِكَةٌ قَدْ جَاءَتْ فَصَارَتْ تَخْدِمُهُ. الإنجيل: متى4: 11
فَتَحَيَّرُوا كُلُّهُمْ، حَتَّى سَأَلَ بَعْضُهُمْ بَعْضًا قَائِلِينَ: «مَا هَذَا؟ مَا هُوَ هَذَا ٱلتَّعْلِيمُ ٱلْجَدِيدُ؟ لِأَنَّهُ بِسُلْطَانٍ يَأْمُرُ حَتَّى ٱلْأَرْوَاحَ ٱلنَّجِسَةَ فَتُطِيعُهُ!».
فمّا إنسان عادي ينجّم يخلق؟؟ لشكون منسوبة صفة الخلق؟
السيد المسيح خلق حاجات ماكانتش موجودة. هو خلق عينين للأعمى
قَالَ هَذَا وَتَفَلَ عَلَى ٱلْأَرْضِ وَصَنَعَ مِنَ ٱلتُّفْلِ طِينًا وَطَلَى بِٱلطِّينِ عَيْنَيِ ٱلْأَعْمَى. 7وَقَالَ لَهُ: «ٱذْهَبِ ٱغْتَسِلْ فِي بِرْكَةِ سِلْوَامَ» ٱلَّذِي تَفْسِيرُهُ: مُرْسَلٌ، فَمَضَى وَٱغْتَسَلَ وَأَتَى بَصِيرًا. الإنجيل: يوحنا9: 6-7
فمّا إنسان عادي عندوا سلطان على الموت والحياة؟
كَانَ ٱلْجَمِيعُ يَبْكُونَ عَلَيْهَا وَيَلْطِمُونَ. فَقَالَ: «لَا تَبْكُوا. لَمْ تَمُتْ لَكِنَّهَا نَائِمَةٌ». فَضَحِكُوا عَلَيْهِ، عَارِفِينَ أَنَّهَا مَاتَتْ. فَأَخْرَجَ ٱلْجَمِيعَ خَارِجًا، وَأَمْسَكَ بِيَدِهَا وَنَادَى قَائِلًا: «يَا صَبِيَّةُ، قُومِي!». فَرَجَعَتْ رُوحُهَا وَقَامَتْ فِي ٱلْحَالِ. الإنجيل: لوقا8: 52-55
ماهيش صدفة أنّك اليوم تقرا في المقال هذا. ربّي ما عندوش صدف أما هو يحضّر كل شيء باش يوجّهنا ويورّينا طريقو. فرصة جديدة اليوم أنّك تسأل روحك وتبحث من قلبك على شكونوا هذا الشخص الفريد إلّي عندو كل هالسلطان… ممكن تعرف إسمو من قبل، ممكن سمعت عليه برشا حكايات، ممكن أنت تحبّوا كشخص رسالتو المحبة والسلام.. أما اليوم فمّا دعوة خاصّة ليك أنت وأنت بيدك تنجّم تشارك بيها ناس أخرين من حقهم يكتشفوا الحقيقة. دعوة اليوم هي أنّك تتعرّف عليه معرفة شخصية وتختبر معجزاتو في حياتك.
مفمّاش حد فينا مش محتاج فينا معجزة تبدّلنا حياتنا وأهم معجزة في حياتنا هي ولادتنا الروحية إلّي تعطينا الفرصة باش نكونوا في علاقة حيّة وقوية مع ربّي. المعجزة هذي من حقّك وما عليك إلاّ أنك تطلبها بقلب صادق. أطلب من ربّي ليك ولعايلتك أنّو يحل عينيكم كيما فتح عينين الأعمى لنور الحق ويفتح وذنيكم لكلمة الحرّية ويشفي قلوبكم من كل تعب ومشكل ويطلق حياة على رواحكم باش تستقبلوا مصدر الحياة الحقيقي إلّي بيه يولّي عندك سلطان على كل قوى إبليس. امين
لو عندك سؤال أو إستفسار إكتبلنا في الفاسبوك وفما شكون يتواصل معاك