علاش المسيح أكاهو مش أي حد آخر؟ علاش هو الوحيد المنقذ وهو الطريق الوحيد للجنة؟
أول حاجة السيد المسيح هو الوحيد المولود من روح الله. مفمّا حتى بشر في التاريخ تولد من روح الله وماعندوش أب بشري. حتى بونا آدم يقولنا الكتاب المقدّس أنو نفخ فيه الله نسمة حياة أما ماهوش مولود من روح الله كيما يسوع المسيح. في الإنجيل مكتوب:
فَقَالَتْ مَرْيَمُ لِلْمَلَاكِ: ”كَيْفَ يُمْكِنُ هَذَا وَأَنَا عَذْرَاءُ؟“ أَجَابَهَا الْمَلَاكُ: ”الرُّوحُ الْقُدُّوسُ يَأْتِي عَلَيْكِ، وَقُوَّةُ الْعَلِيِّ تُظَلِّلُكِ، لِذَلِكَ الْقُدُّوسُ الَّذِي سَيُولَدُ يُدْعَى ابْنَ اللهِ الإنجيل: لوقا1: 34- 35
السيد المسيح زادا عمل معجزات متتحسبش باش يورّي للناس أنو هو جاي من الله وهو إلّي تنبأو عليه الأنبياء قبل. هو الوحيد إلّي قيّم موتى وحل عيون عميان وطرّد شواطن. هو الوحيد إلّي كان عندو سلطان على كل شيء وبكلمة منو الطبيعة تخضعلو.
.وَفِي ذَلِكَ الْيَوْمِ، لَمَّا حَلَّ الْمَسَاءُ، قَالَ لِتَلَامِيذِهِ: ”تَعَالَوْا نَعْبُرُ إِلَى الشَّاطِئِ الْآخَرِ.“ فَتَرَكُوا الْجُمْهُورَ، وَأَخَذُوهُ فِي الْقَارِبِ كَمَا كَانَ، وَكَانَتْ مَعَهُ أَيْضًا قَوَارِبُ أُخْرَى. وَهَبَّتْ رِيحٌ شَدِيدَةٌ عَاصِفَةٌ، وَأَخَذَتِ الْأَمْوَاجُ تَضْرِبُ الْقَارِبَ، حَتَّى كَادَ يَمْتَلِئُ بِالْمَاءِ. وَكَانَ هُوَ فِي الْمُؤَخَّرِ نَائِمًا عَلَى مَخَدَّةٍ. فَأَيْقَظُوهُ وَقَالُوا لَهُ: ”يَا مُعَلِّمُ، أَلَا يَهُمُّكَ أَنْ نَغْرَقَ؟“ فَقَامَ وَوَبَّخَ الرِّيحَ، وَقَالَ لِلْأَمْوَاجِ: ”اُسْكُتِي. اِهْدَأِي.“ فَسَكَتَتِ الرِّيحُ وَسَادَ الْهُدُوءُ التَّامُّ. فَقَالَ لَهُمْ: ”مَا لَكُمْ خَائِفِينَ؟ هَلْ لِحَدِّ الْآنَ لَيْسَ عِنْدَكُمْ إِيمَانٌ؟“ فَارْتَعَبُوا وَقَالَ بَعْضُهُمْ لِبَعْضٍ: ”مَنْ هُوَ هَذَا حَتَّى تُطِيعَهُ الرِّيحُ وَالْأَمْوَاجُ؟“ الإنجيل: مرقس4: 35-41
السيد المسيح هو وحدو إلّي قدّم رسالة جديدة مختلفة على العالم وإلّي في العالم. أعطى تعاليم جديدة مليانة سلام ومحبة. أكثر الديانات إنتشرت بالسيف والاجبار والغزوات أما رسالة المسيح إنتشرت بالمحبة والسلام. كلامو إنتشر في العالم الكل ولتوّا يغيّر حياة الناس ومحبتو تنقّي القلوب وتطهرها. رسالة الهية فيها دعوة أنو نتبعوه ونكونو معاه.
هو الوحيد إلّي مات وقام من الموت بعد ثلاث أيام باش يعطي كل إلّي يؤمن بيه إنتصار على الخطية والموت. هو الوحيد إلّي قبرو فارغ وجسدو مفماّش على الأرض وماهوش مدفون في حتى بلاصة.
مازلت تسأل علاش هو مش غيرو؟
أهم حاجة نقولهاك أنّو هو الوحيد في تاريخ الكون إلّي مات على خاطرك. مكتوب في الإنجيل:
لَيْسَ مِنَ السَّهْلِ أَنْ يُضَحِّيَ أَحَدٌ بِنَفْسِهِ وَيَمُوتَ مِنْ أَجْلِ شَخْصٍ صَالِحٍ، رُبَّمَا يَتَجَرَّأُ وَاحِدٌ أَنْ يَمُوتَ مِنْ أَجْلِ إِنْسَانٍ طَيِّبٍ جِدًّا. لَكِنَّ اللهَ بَيَّنَ مَحَبَّتَهُ لَنَا، لِأَنَّهُ وَنَحْنُ مَا زِلْنَا مُذْنِبِينَ، مَاتَ الْمَسِيحُ مِنْ أَجْلِنَا. الإنجيل: رومية5: 7-8
هو الوحيد إلّي قال أنا القيامة والحياة وهو الوحيد إلّي قال على روحو أنا هو الطريق والحق والحياة. مفمّا حتى حد يضمنلك الحياة الأبدية تعرف علاش؟ على خاطر شكون يضمنها لروحو باش يضمنها لغيرو… أما السيد المسيح هو الوحيد إلّي قال من آمن بي ولو مات فسيحيا…
من غيرو مفمّاش نجاة
“لَا نَجَاةَ بِغَيْرِهِ، لِأَنَّهُ لَا يُوجَدُ فِي الْعَالَمِ كُلِّهِ اسْمٌ آخَرُ أُعْطِيَ لِلنَّاسِ نَنَالُ بِهِ النَّجَاةَ” أعمال الرسل 4: 12
النبوات إلّي تقالت عليه قبل ما يجي، حياتو، معجزاتو، تعاليمو، موتو وقيامتو من الموت، إلّي عملو على خاطرنا، قدرتو على تغييرنا بالكامل… هذا الكل وأكثر يخلّيه هو وحدو إلّي لازمنا نتبعوه. هو وحدو إلّي يضمنلنا الجنة من غير حتى شك. هو وحدو.
لو تحب تعرف أكثر على السيد المسيح الفريد المتميّز إلّي “كُلُّ شَيْءٍ بِهِ كَانَ، وَبِغَيْرِهِ لَمْ يَكُنْ شَيْءٌ مِمَّا كَانَ” اقرأ الإنجيل وتأكّد بنفسك أنّو هو الحق. إكتبلنا في الخاص في الفاسبوك وإلاّ إتصل بينا وأحنا نوفرولك الإنجيل
لو عندك سؤال أو إستفسار إكتبلنا في الفاسبوك وفما شكون يتواصل معاك