ربي قريب، محب ويهتم بكل تفاصيل حياتنا. هو يعرف قلوبنا ويحبنا رغم كل مشاكلنا وذنوبنا. أيه صحيح ربي يكره الخطية والذنوب إلّي تدمّرنا أما يحبنا ويحب ينجّينا من عبودية الخطية وابليس.
مفمّاش غيرو نجموا نستغيثوا بيه وقت الضيق ونفرغوا قلوبنا ونشاركوا بضعفنا كيما هو من غير خوف. هو إلّي يسمعنا ويحن علينا ويفرّج كربنا ويملا قلوبنا سلام وأمل. تعوّدنا نلوجوا على النّاس باش نشكيوا همومنا وتعبنا وياما عشنا إحباطات وهم حزن بسببهم. الوحيد إلّي ديما حالل أبوابو لينا ديما باش يقبل طلبات المحتاجين هو ملك الملوك، هو القريب، المحب، الحنّان.
كلنا نسمعوا ونعرفوا سيدنا داود إلّي ربّي عطاه المزامير (في الإسلام معروف الكتاب هذا بالزابور). قريت كتاب المزامير قبل؟ تعرف شنوة فيه؟ (تنجّم تقراه من هوني)
المزامير هو كتاب أو سفر موجود في الكتاب المقدّس وهو مجموعة صلوات قلبية وأشعار وترانيم ومزامير قالهم سيدنا داود بقيادة الوحي الإلهي. كي نقرا المزامير نشوفوا برشا صفات متع ربّي قوية وثابتة وتعلّمنا المزامير أنّو كي نلجؤو لربّي ونشكيولوا همومنا هو ديما يسمع ويفهم ضعفنا ويستجيب لينا ويرحمنا. مفمّاش أروع من الاحساس أنّو ملك الملوك ديما معاك وقادر يخرّجك من كل ضيقة مهما كانت صعيبة وقت إلّي تلجأ ليه.
اقرا سفر المزامير وإستمتع بقوة الصّلاة والإتكال على الله في كل الحالات. من أكثر المزامير القريبة لقلبي وإلّي علمتني كيفاش نعتمد على الله في كل ضعفي وضيقي هو المزمور رقم 42 ونحب نشاركوا معاك:
1مِثْلَمَا تَشْتَاقُ الْغِزْلاَنُ إِلَى جَدَاوِلِ الْمِيَاهِ، هَكَذَا تَشْتَاقُ نَفْسِي إِلَيْكَ يَااَللهُ. 2نَفْسِي عَطْشَى إِلَى اللهِ الإِلَهِ الْحَيِّ، فَمَتَى أَجِيءُ وَأَمْثُلُ أَمَامَ اللهِ؟ 3قَدْ صَارَتْ دُمُوعِي طَعَامِي الْوَحِيدَ نَهَاراً وَلَيْلاً، إِذْ قِيلَ لِي كُلَّ يَوْمٍ: «أَيْنَ إِلَهُكَ»؟ 4حِينَ أَتَأَمَّلُ فِي نَفْسِي تُعَاوِدُنِي هَذِهِ الذِّكْرَى: كَيْفَ كُنْتُ أُرَافِقُ حُشُودَ الْعَابِدِينَ الْمُحْتَفِلِينَ بِالْعِيدِ وَأَقُودُهُمْ فِي الْحُضُورِ إِلَى بَيْتِ اللهِ، هَاتِفاً مَعَهُمْ فَرَحاً وَحَمْداً. 5لِمَاذَا أَنْتِ مُكْتَئِبَةٌ يَانَفْسِي؟ وَلِمَاذَا أَنْتِ قَلِقَةٌ فِي دَاخِلِي؟ تَرَجَّيِ اللهَ، فَإِنِّي سَأَظَلُّ أَحْمَدُهُ، لأَنَّهُ عَوْنِي وَإِلَهِي.
6إِلَهِي، إِنَّ نَفْسِي مُكْتَئِبَةٌ فِيَّ، لِذَلِكَ أَذْكُرُكَ مِنْ وَادِي الأُرْدُنِّ، وَمِنْ جِبَالِ حَرْمُونَ، وَمِنْ جَبَلِ مِصْعَرَ. 7أَمْوَاجُ النَّكَبَاتِ تَوَالَتْ عَلَيَّ كَمَا تَتَوَالَى مِيَاهُ شَلاَلاَتِكَ. 8يُبْدِي الرَّبُّ لِي رَحْمَتَهُ فِي النَّهَارِ، وَفِي اللَّيْلِ تُرَافِقُنِي تَرْنِيمَتُهُ، صَلاَةٌ لإِلَهِ حَيَاتِي. 9أَقُولُ للهِِ صَخْرَتِي: «لِمَاذَا نَسِيْتَنِي؟» لِمَاذَا أَطُوفُ نَائِحاً مِنْ مُضَايَقَةِ الْعَدُوِّ؟ 10لَقَدْ عَيَّرَنِي مُضَايِقِيَّ وَسَحَقُوا عِظَامِي، إِذْ يَقُولُونَ لِي طُولَ النَّهَارِ: «أَيْنَ إِلَهُكَ؟» 11لِمَاذَا أَنْتِ مُكْتَئِبَةٌ يَانَفْسِي، وَلِمَاذَا أَنْتِ قَلِقَةٌ؟ تَرَجَّيِ اللهَ، فَإِنِّي سَأَظَلُّ أَحْمَدُهُ، لأَنَّهُ عَوْنِي وَإِلَهِي
- زعما مشاكلي وضعفي يقرّبني وإلا يبعّدني على ربّي؟
- شنوّة معناها يكون عندي رجاء في الله؟
ضاقت بيك الدنيا؟ حاصرتك الهموم؟ تعبت من دوامة المشاكل؟ إرفع راسك للسماء وصلّي كيما سيدنا داود واشكي همّك لله وخلّي ديما عندك أمل ورجاء أنّو يسمع فيك ويحب ينجّيك.
لو عجبك صلاة سيدنا داود شاركها زادا مع أصحابك أو أي شخص تعرفوا محتاج يعرف أنّو ينجّم يشكي همّو وضعفو لله أرحم الرّاحمين.
لو عندك سؤال أو إستفسار إكتبلنا في الفاسبوك وفما شكون يتواصل معاك