الملائكة

شارك_ الميلاد

قصص وحكايات من فترة ميلاد المسيح أقراها معانا وتأمل فيها وإستخرج منها الدروس العميقة وما تنساش تشارك الفرحة والميلاد

في قصة ميلاد السيد المسيح كانوا الملايكة حاضرين برشا. ربي أرسل الملايكة من السماء باش يوصلوا أخبار سماوية. أحنا منعرفوش كيفاش هوما الملايكة، عندهم جوانح وإلاّ يلبسوا الأبيض وإلاّ كيفاش يتحركوا في الأرض… أما إلّي نعرفوه إلّي هوما كان ليهم دور كبير أنو يوصلوا لبرشا عباد رسايل مهمة من الله على الميلاد وقصد ربي من الحدث هذا.

ظهروا الملايكة أربع مرات في قصة لميلاد وفي كل مرة وكانت ديما رسالتهم هي “لا تخافو!”. نفس الكلمة تقالت لزكريا و السيدة مريم ومن بعد يوسف وفي الآخر الرعاة.

“لا تخافوا!” هذه هي رسالة الله من وقت الميلاد لتوّا. الخبر هذا يورّينا أنو ميلاد السيد المسيح والخوف ما يتقابلوش. حضور المسيح ينحّي كل خوف.

جا الوقت باش تطرد كل خوفك وأنت في حضرة الله.

نصلّي أنو في فترة الميلاد هذي وكل يوم في العام الجديد تفهم أنو وقت يسوع يتولد في قلبك معادش فمّا خوف أو قلق. رسالة الميلاد ما تبدلتش من ألفين سنة وكلمات الملايكة مازالت ترن في عالمنا: “ما تخافوش”.

وقت ظروفك تتهز تذكّر “لا تخافو!”

وقت إلّي عندك مشاكل مادية تذكّر “لا تخافو!”

وقت تكون محبط تذكّر “لا تخافو!”

ربي وعد أنو يمنحنا السلام الكامل. السلام ماهوش غياب المشاكل أما هو وجود الله. وفي فترة الميلاد هذي تنجم ترتاح في سلامو الفائق والمشبع.

لو عندك سؤال أو إستفسار إكتبلنا في الفاسبوك وفما شكون يتواصل معاك