كان تحب تعرف كيفاش المسيحي يحب لازم ترجع للتعليم الموجود في الكتاب المقدس.
يسوع المسيح علّمنا:
“وَصِيَّةً جَدِيدَةً أَنَا أُعْطِيكُمْ: أَحِبُّوا بَعْضُكُمْ بَعْضاً، كَمَا أَحْبَبْتُكُمْ أَنَا، تُحِبُّونَ بَعْضُكُمْ. 35بِهَذَا يَعْرِفُ الْجَمِيعُ أَنَّكُمْ تَلاَمِيذِي: إِنْ كُنْتُمْ تُحِبُّونَ بَعْضُكُمْ بَعْضاً” الإنجيل: يوحنا13: 34-35.
مِثْلَمَا أَحَبَّنِي الآبُ، أَحْبَبْتُكُمْ أَنَا، فَاثْبُتُوا فِي مَحَبَّتِي. إِنْ عَمِلْتُمْ بِوَصَايَايَ، تَثْبُتُونَ فِي مَحَبَّتِي، كَمَا عَمِلْتُ أَنَا بِوَصَايَا أَبِي وَأَثْبُتُ فِي مَحَبَّتِهِ! قُلْتُ لَكُمْ هَذَا لِيَكُونَ فِيكُمْ فَرَحِي، وَيَكُونَ فَرَحُكُمْ كَامِلاً.
وَصِيَّتِي لَكُمْ هِيَ هَذِهِ: أَنْ يُحِبَّ بَعْضُكُمْ بَعْضاً كَمَا أَنَا أَحْبَبْتُكُمْ. لَيْسَ لأَحَدٍ مَحَبَّةٌ أَعْظَمُ مِنْ هَذِهِ: أَنْ يَبْذِلَ أَحَدٌ حَيَاتَهُ فِدَى أَحِبَّائِهِ. وَأَنْتُمْ أَحِبَّائِي إِنْ عَمِلْتُمْ بِمَا أُوصِيكُمْ بِهِ. لاَ أُسَمِّيكُمْ عَبِيداً بَعْدُ، لأَنَّ الْعَبْدَ لاَ يُطْلِعُهُ سَيِّدُهُ عَلَى مَا يَفْعَلُهُ. وَلكِنِّي قَدْ سَمَّيْتُكُمْ أَحِبَّاءَ لأَنِّي أَطْلَعْتُكُمْ عَلَى كُلِّ مَا سَمِعْتُهُ مِنْ أَبِي. لَيْسَ أَنْتُمُ اخْتَرْتُمُونِي، بَلْ أَنَا اخْتَرْتُكُمْ وَعَيَّنْتُكُمْ لِتَنْطَلِقُوا وَتُنْتِجُوا ثَمَراً وَيَدُومَ ثَمَرُكُمْ، فَيُعْطِيَكُمُ الآبُ كُلَّ مَا تَطْلُبُونَهُ بِاسْمِي. فَبِهَذَا أُوصِيكُمْ إِذَنْ: أَنْ تُحِبُّوا بَعْضُكُمْ بَعْضاً. الإنجيل يوحنا 15 : 9 – 17
فمّا حاجة تميّز بالباهي الناس إلّي إتّبع المسيح وهي المحبة الصادقة إلّي ما بين الأخوة والأخوات في المسيح رغم كل الإختلافات متع اللّغة وإلا الثقافة أو البلاد وإلّا الجهة ولون البشرة. المحبة المسيحية ماهيش جست مشاعر تحسها وقت إلّي ترتاح لشخص على خاطر المسيحي يحب محبة مهيش أنانية وحتّى كي يبدا مش متفاهم مع الأخر ولاّ الأخر ميستحقش المحبة هذيكا هو يقعد يحبّو.
الأيات هذوما يورّيوك كيفاش المحبة تكون بالضبط:
الْمَحَبَّةُ تَصْبِرُ طَوِيلاً؛ وَهِيَ لَطِيفَةٌ. الْمَحَبَّةُ لاَ تَحْسُدُ. الْمَحَبَّةُ لاَ تَتَفَاخَرُ وَلاَ تَتَكَبَّرُ. لاَ تَتَصَرَّفُ بِغَيْرِ لِيَاقَةٍ، وَلاَ تَسْعَى إِلَى مَصْلَحَتِهَا الْخَاصَّةِ. لاَ تُسْتَفَزُّ سَرِيعاً، وَلاَ تَنْسُبُ الشَّرَّ لأَحَدٍ. لاَ تَفْرَحُ بِالظُّلْمِ، بَلْ تَفْرَحُ بِالْحَقِّ. إِنَّهَا تَسْتُرُ كُلَّ شَيْءٍ، وَتُصَدِّقُ كُلَّ شَيْءٍ، وَتَرْجُو كُلَّ شَيْءٍ، وَتَتَحَمَّلُ كُلَّ شَيْءٍ. 1كورنثوس 13 : 4 – 7
برشا مرات منعرفش نعطي محبة لغيري كيما ربي يحبني. الحقيقة أنو أنا في الآخر إنسان ورغم مجهودي باش نتبع المسيح في حياتي اما ساعات نفشل.
هكّاكة هي المحبّة بالنسبة ليك؟
مش هذي هي المحبة إلّي ربّي يحبنا نعيشوها مع بعضنا المحبة لازم تكون صادقة خاطر الكره هو من إبليس. المحبة هي أنو نضحيو على خاطر بعضنا ونكرموا بعضنا حتى قبل رواحنا، أنّو نعيشوا باش نخدموا ربي في حياتنا ونبداو مليانين بالفرح والصبر على بعضنا وأمناء في صلواتنا. نعاونوا المحتاج إلّي في وسطنا وتكون بيوتنا محلولة لبعضنا. المحبة هي انك تبارك إلّي يعملك الخايب وتصلّيلو.. تباركوا ومتلعنوش.. تفرح لفرحة خوك وتبكي لوجيعتو.. المحبة هي أنك متتكبّرش أما تعيش التواضع مع الناس إلّي معاك… ماعمرك ما تقابل الشر بالشر..أنك تحاول تعيش في سلام مع الناس الدايرين بيك.. ما تنتقمش من إلّي يضرّوك كيما يقول ربي “لي الانتقام، أنا أجازي، يقول الرب”. بالعكس، الكتاب المقدس يقول:
“وَإِنَّمَا «إِنْ جَاعَ عَدُوُّكَ فَأَطْعِمْهُ، وَإِنْ عَطِشَ فَاسْقِهِ. فَإِنَّكَ، بِعَمَلِكَ هَذَا تَجْمَعُ عَلَى رَأْسِهِ جَمْراً مُشْتَعِلاً». لاَ تَدَعِ الشَّرَّ يَغْلِبُكَ، بَلِ اغْلِبِ الشَّرَّ بِالْخَيْرِ.” رومية 12: 20-21.
عمرك عشت محبّة كيما هكّا؟
كيما تشوف المحبة هذي ماهيش طبيعية ومنجموش نعطيوها بمجهودنا.. المسيحي إنسان ماهوش كامل أما إلّي يتبّع ربي في حياتو يثق أنو ربي باش يغيّرلوا حياتو ويعاونوا باش يحب أكثر وأكثر.
نحب نصلّي ونقول:
“يارب أنت محبّة سامحني على خاطر ساعات نقصّر في المحبة للأخرين. ساعات نجرح إلّي قدّامي وساعات نشد في قلبي ومانسامحش.. وأنا نقولك اليوم يارب أنا محتاجلك أنت تعاوني.. نصلّي أنو روحك يعاونّي ويقوّيني. يارب ذكّرني ديما محبتك العظيمة ليا والمحبة إلّي لازم نعطيها للأخرين. أنا منجمش بمجهودي نحب هالمحبة أما أنت هو إلّي تعطيهالي. نحبك تعلّمني نحب يارب.