خلّينا نفهمو المعنى اللّي يقصدو الكتاب المقدس والمسيحي وقت يقول كلمة المسيح ابن الله. كي نرجعو في اللغة نلقاو انو كلمة ابن تتقال برشا في برشا مصطلحات كيما مثلا نقولو على المسافر «ابن السبيل» وهذا ما يعنيش انو الطريق جاب وليّد أما هذا يعني انّو فما علاقة بينو وبين الطريق. كي نقول مثلا انّي أنا ولد تونس ما يعنيش انّو تونس ولدتني وجابتني أما نفهمو الكلنا انّو انا تونسي لغتي وصفاتي وجنسيتي وهويتي تونسية.

و من جيها اخرى نقراو في الانجيل انو المسيح سمّى زوز من تلامذتو وهوما يعقوب ويوحنا اسم «ابني الرعد» هل يعني انو الرعد عندو ولاد؟ بالطبيعة لا أما للتلامذا هاذهم طبيعة نارية كيما الرعد نفسو وغيرة راعدة وحماسة عظيمة.

و قبل ما يموت المسيح قال لتلامذتو:

النُّورُ بَاقٍ مَعَكُمْ وَقْتاً قَصِيراً. فَوَاصِلُوا سَيْرَكُمْ مَادَامَ النُّورُ يُشْرِقُ عَلَيْكُمْ، لِئَلاَّ يُطْبِقَ عَلَيْكُمُ الظَّلاَمُ، فَإِنَّ الَّذِي يَمْشِي فِي الظَّلاَمِ لاَ يَعْلَمُ أَيْنَ يَذْهَبُ. آمِنُوا بِالنُّورِ مَادَامَ النُّورُ مَعَكُمْ، فَتَصِيرُوا أَبْنَاءَ النُّورِ
(الانجيل بحسب يوحنا 12 : 35-36)

وهوني بالطبيعة المسيح مكانش يقصد بكلمة ولاد النور المعنى الحرفي أمّا وقتلي نؤمنو بيه وبكلامو و نطبقو تعليماتو في حياتنا يدخل النور الحقيقي في قلوبنا ونولّيو نور للعالم.
وهكا نفهمو انّو كلمة ابن تستخدم لمعاني مجازية وروحية.

باهي شمعنتها عبارة «ابن الله» المجازي الروحي الي يقصدو الكتاب المقدس؟

1- ولادة المسيح المعجزية

ما ثمّا حتى انسان تولد كيما ولادة المسيح. وقتلي جاء الملاك جبرائيل للعذراء مريم باش ابشرها بأنها باش تحبل و تولد وليّد  خافت مريم وقالها الملاك:

فَقَالَ لَهَا الْمَلاَكُ: «لاَ تَخَافِي يَامَرْيَمُ، فَإِنَّكِ قَدْ نِلْتِ نِعْمَةً عِنْدَ اللهِ! وَها أَنْتِ سَتَحْبَلِينَ وَتَلِدِينَ ابْناً، وَتُسَمِّينَهُ يَسُوعَ. إِنَّهُ يَكُونُ عَظِيماً، وَابْنَ الْعَلِيِّ يُدْعَى، وَيَمْنَحُهُ الرَّبُ الإِلهُ عَرْشَ دَاوُدَ أَبِيهِ، فَيَمْلِكُ عَلَى بَيْتِ يَعْقُوبَ إِلَى الأَبَدِ، وَلَنْ يَكُونَ لِمُلْكِهِ نِهَايَةٌ». فَقَالَتْ مَرْيَمُ لِلْمَلاَكِ: «كَيْفَ يَحْدُثُ هَذَا، وَأَنَا لَسْتُ أَعْرِفُ رَجُلاً؟» فَأَجَابَهَا الْمَلاَكُ: «الرُّوحُ الْقُدُسُ يَحِلُّ عَلَيْكِ، وَقُدْرَةُ الْعَلِيِّ تُظَلِّلُكِ. لِذلِكَ أَيْضاً فَالْقُدُّوسُ الْمَوْلُودُ مِنْكِ يُدْعَى ابْنَ اللهِ. (الانجيل بحسب لوقا 1: 30-35)

المسيح تولد من عذراء منغير ما تعرّس براجل.  وولادتو ورّاتنا قدرة الله وقصدو الازلي وهذا الكل يعني انّو المسيح اكثر من مجرد انسان والا نبي عادي.

2- المسيح كان هو الشخص الي اختارو الله منذ الأزل

اختارو باش ينفذ مهمة فريدة.

بعد ما حبلت بيه مريم وهي مش معرسة ظهر الملاك جبرائيل الي يوسف خطيبها وقال :

وَبَيْنَمَا كَانَ يُفَكِّرُ فِي الأَمْرِ، إِذَا مَلاَكٌ مِنَ الرَّبِّ قَدْ ظَهَرَ لَهُ فِي حُلْمٍ يَقُولُ: «يَايُوسُفُ ابْنَ دَاوُدَ! لاَ تَخَفْ أَنْ تَأْتِيَ بِمَرْيَمَ عَرُوسِكَ إِلَى بَيْتِكَ، لأَنَّ الَّذِي هِيَ حُبْلَى بِهِ إِنَّمَا هُوَ مِنَ الرُّوحِ الْقُدُسِ. 21فَسَتَلِدُ ابْناً، وَأَنْتَ تُسَمِّيهِ يَسُوعَ، لأَنَّهُ هُوَ الَّذِي يُخَلِّصُ شَعْبَهُ مِنْ خَطَايَاهُمْ. (الانجيل بحسب متى 1: 20-21)

كانت مهمة المسيح خاصّة علاخر ومنجمش حتى انسان والا حتى نبي يعمل كيفو على خاطر هو جاء للعالم باش يكمل قصد ربي في فداء البشرية من عقاب الخطية هذاكا علاش استحق باش يتسمى ابن الله.

اما فما سبب اخر اعمق، وهذا يحتاج منّا نفهم…

3- هوية المسيح الحقيقية

نقراو في الانجيل انو المسيح هو كلمة ربي الازلي الي جاء للعالم و صار انسان

فِي الْبَدْءِ كَانَ الْكَلِمَةُ، وَالْكَلِمَةُ كَانَ عِنْدَ اللهِ. وَكَانَ الْكَلِمَةُ اللهُ . هَذَا كَانَ فِي الْبَدْءِ عِنْدَ اللهِ. بِهِ تَكَوَّنَ كُلُّ شَيْءٍ، وَبِغَيْرِهِ لَمْ يَتَكَوَّنْ أَيُّ شَيْءٍ مِمَّا تَكَوَّنَ. فِيهِ كَانَتِ الْحَيَاةُ. وَالْحَيَاةُ كَانَتِ نُورَ النَّاسِ. وَالنُّورُ يُضِيءُ فِي الظَّلاَمِ، وَالظَّلاَمُ لَمْ يُدْرِكْ النُّورَ. (الانجيل بحسب يوحنا 1: 1-5)

وَالْكَلِمَةُ صَارَ بَشَراً، وَخَيَّمَ بَيْنَنَا، وَنَحْنُ رَأَيْنَا مَجْدَهُ، مَجْدَ ابْنٍ وَحِيدٍ عِنْدَ الآبِ، وَهُوَ مُمْتَلِىءٌ بِالنِّعْمَةِ وَالْحَقِّ. (الانجيل بحسب يوحنا 1: 14)

ومعنى الكلمة صار جسدا يعني انو ولّى انسان في شخص المسيح. يعني المسيح هو اعلان الله الكامل في صورة آدمية وهذي الرؤية الحقيقية، كيما الولد يحمل صفات بوه هكّا زادا يحمل يسوع المسيح صفات الله وقال المسيح زادا لواحد من تلامذتو  «من رآني فقد رأى الآب». المسيح موش انسان تولد في وقت معين اكهو أما هو كلمة ربي المتجسد وابن الله الّي يكشفلنا الاب الي مراهش حد جملى.

كلّ المسيحيين نؤمنو انو الله واحد ومفماش حتى شك في هذا واللي يحب يعرف اكثر عن الموضوع هذا ينجّم يقرا المقال اللي كتبناه

زعما المسيحي موحّد؟

أما وحدانية ربي اكيد مختلفة على وحدانية الانسان على خاطر وحدانية الانسان محدودة معنتها مينجمش يكون في صفاقس والكاف في نفس اللحظة ولكن ربي ينجم يكون في كل بلاصة في نفس الثانية وينجم يكون على الارض على هيئة انسان وهو زادا على العرش يملك بكل مجده وجلاله. تنجم تقول اللّي هذا مستحيل او صعيب على ربّي؟؟

ربي جاء في العالم هذا في شخص يسوع المسيح وفي الانجيل مكتوب:

إِنَّ سِرَّ التَّقْوَى عَظِيمٌ: اللهُ ظَهَرَ فِي الْجَسَدِ (1 تيموثاوس 3: 16)

قدّاش سمعنا في حكايات زمان على ملوك عظام يلبسو حوايج الفقراء ويمشيو لبيوت الفقراء بدون خدم وحشم باش يعاونوهم وميخوفوهمش، وكنا نقولو ملاّ عمل نبيل وكل ما كان الانسان عظيم وعندو قيمة كل ما نحسو بقداش هو متواضع ومضحّي كي يعمل حاجة كيما هكّا. وشكون اللّي أعظم وأنبل ملك في الدنيا الكل؟ اكيد هو ربي والله كي يتواضع ويجينا في صورة انسان هذي مش حاجة تقلّل منو بالعكس هذي حاجة تخلينا نعظمو اسمو ونشكروه على محبتو وتواضعو العظيم.

المسيح هو ابن الله على خاطرو هو من الله جاي منّو ويحمل صفاته هو كلمة الله. الله أزلي وكلمته أكيد أزليّة ووقت واحد يتكلم ويعبر على راييو كلامه هو تعبير على اللّي يحبو ويحسّو .. تعبير على كيانه وذاته وكيف كيف المسيح هو تعبير على محبة ربي لينا وهذاكا علاش مكتوب في الانجيل انه المسيح هو:

إِنَّهُ ضِيَاءُ مَجْدِ اللهِ وَصُورَةُ جَوْهَرِهِ. حَافِظٌ كُلَّ مَا فِي الْكَوْنِ بِكَلِمَتِهِ الْقَدِيرَةِ. (عبرانيين 1: 3)

هو الاعلان وصورة الله:

…لَدَى غَيْرِ الْمُؤْمِنِينَ الَّذِينَ أَعْمَى إِلَهُ هَذَا الْعَالَمِ أَذْهَانَهُمْ حَتَّى لاَ يُضِيءَ لَهُمْ نُورُ الإِنْجِيلِ الْمُخْتَصِّ بِمَجْدِ الْمَسِيحِ الَّذِي هُوَ صُورَةُ اللهِ. (كورنثوس الثانية 4 : 3ب-4)

“هُوَ صُورَةُ اللهِ الَّذِي لاَ يُرَى، وَالْبِكْرُ عَلَى كُلِّ مَا قَدْ خُلِقَ (كولوسي 1 : 15)

هو معادل لله:

فَأَجَابَهُ يَسُوعُ: «مَضَتْ هَذِهِ الْمُدَّةُ الطَّوِيلَةُ وَأَنَا مَعَكُمْ وَلَمْ تَعْرِفْنِي يَافِيلِبُّسُ؟ الَّذِي رَآنِي رَأَى الآبَ، فَكَيْفَ تَقُولُ: أَرِنَا الآبَ؟ (الانجيل بحسب يوحنا 14: 9)

واحد في الجوهر:

«أَنَا وَالآبُ وَاحِدٌ!» (الانجيل بحسب يوحنا 10: 30)

يستحق الاكرام:

لِيُكْرِمَ الْجَمِيعُ الاِبْنَ كَمَا يُكْرِمُونَ الآبَ (الانجيل بحسب يوحنا 5: 23)

وَكُلُّ مَنْ يُنْكِرُ الابْنَ، لاَ يَكُونُ الآبُ أَيْضاً مِنْ نَصِيبِهِ. وَمَنْ يَعْتَرِفُ بِالابْنِ، فَلَهُ الآبُ أَيْضاً (رسالة 1 يوحنا 2: 23)

وَلاَ أَحَدٌ يَعْرِفُ الابْنَ إِلاَّ الآبُ (الانجيل بحسب متى 27:11)

اتصل بينا وشاركنا باهتمامك وكيفاش نجمو نعاونوك اكثر. انجمو زادا نوفرولك نسخة من الانجيل مجانا وين انت. اتصل بينا من هوني.