معمودية رمزي من تونس

بعد بحث طويل، عرفت إلّي المسيح هو الطريق والحق والحياة وأنّو مفمّاش طريق للحياة الأبدية. قرّرت أنّي نتبّع المسيح مهما تكون الصعوبات والناس إلّي باش تعاديني وتظلمني. قدّمت توبتي لربّي وصلّيت أنّي نقبل المسيح هو المخلّص والسيد على حياتي. حسّيت نهارتها أنّي تولدت من جديد إنسان جديد متبدّل ومليان بالمحبة والغفران متع ربّي. قريت في الإنجيل إلّي المسيح قال إلّي يحبني لازم يطيع ويتبّع التعاليم متاعي. وقريت أنّو المعمودية هي وصيّة أعطاها السيد المسيح كيما العلامة إلّي بيها نعلن إيماني وحياتي الجديدة مع ربّي. طلبت من الراجل إلّي عاوني باش نعرف أكثر على المسيح أنّي نتعمّد وهو فرح برشا على خاطرني نطيع في وصيّة ربي. حدّدنا نهار وإستدعينا شوية أخوة في الإيمان باش يشاركوني فرحتي بالنهار هذاكا وكان بالحق أكثر نهارمميّز في حياتي بعد نهار صلاتي وإيماني بالمسيح. مشينا للبحر ودخلت أنا وصاحبي وبعد ما سألني سؤالات أكّدت فيهم ثقتي وإيماني مهما كانت الظروف، غطّست في الماء الكلّي وقمت. الإحساس هذا مش طبيعي، حسّيت أنّو رمزي القديم بإلّي فيه من حاجات خايبة مات وقام مع المسيح رمزي جديد حرّ من كل ذنوب ومليان بالفرحة والمحبة لربّي. أخواتي في المسيح شاركوني فرحتي وصلّينا وشكرنا ربّي ورنّمنا وسبّحنا. مستحيل ننسى النهار هذاكا.

فيديو عن المعمودية

لو عندك سؤال أو إستفسار إكتبلنا في الفاسبوك وفما شكون يتواصل معاك