كلمة نكتشف ديما مربوطة باني نعرف حاجات جديدة وبرحلة فيها برشا مغامرات وتحدّيات أما زادا فرحة كبيرة بالحاجة الجديدة إلّي نكتشفوها. الإكتشاف حاجة حلوة في حياتنا ويكون ليها معنى أسمى وأعمق وقتلّي تكون مربوطة بمعرفة الله وإكتشاف كلمتو. الناس، تصرّفاتهم، كلامهم مينجموش يكونوا حاجة صحيحة مية في المية هذاكا علاش لازمني نعمّل على حاجة موثوقة ومفيهاش تغيير: كلمة ربّي.
الكتاب المقدّس، كلمة ربّي هو مصدر الإيمان المسيحي وهو مكتوب بطريقة واضحة وبسيطة باش أي إنسان ينجّم يفهم ويعرف الله. ما نحتاجوش نكونوا علماء دين وإلاّ نجيبوا كتب تفاسير باش نفهموا ونكتشفوا الكتاب المقدّس وهذي نعمة الله لينا على خاطرو إختار رسالتو تكون بسيطة للكل أما عميقة وتغيّر الحياة متع كل واحد يقبلها.
“فَتْحُ كَلاَمِكَ يُنِيرُ الذِّهْنَ، وَيَهِبُ الْبُسَطَاءَ فَهْماً.” مزمور119: 130.
“فَالرَّبُّ، إِذَنْ، لاَ يُبْطِيءُ فِي إِتْمَامِ وَعْدِهِ، كَمَا يَظُنُّ بَعْضُ النَّاسِ، وَلَكِنَّهُ يَتَأَنَّى عَلَيْكُمْ، فَهُوَ لاَ يُرِيدُ لأَحَدٍ مِنَ النَّاسِ أَنْ يَهْلِكَ، بَلْ يُرِيدُ لِجَمِيعِ النَّاسِ أَنْ يَرْجِعُوا إِلَيْهِ تَائِبِينَ.” 2بطرس3: 9.
السيد المسيح قال أنّو لازم نتواضعو قدّام كلمة ربّي ونتعلموا منها. وقت إلّي نجيوا قدّام كلمة ربّي لازمنا إنّحيوا كل كبرياء ونسمحوا أنّو ربّي يعلّمنا. في كلام ربي نلقاو الحق الكامل وساعات تكون الحقيقة مختلفة على إلّي عرفناه وتعلّمناه قبل وتواضعنا وثقتنا في ربّي يخلّيونا انكسرو كل حاجات غالطة في حياتنا. أهم حاجة لازم ديما نصلّيوا ونقولوا “يارب علّمني وفهّمني وورّيني الحق”.
“الْحَقَّ أَقُولُ لَكُمْ إِنْ كُنْتُمْ لاَ تَتَحَوَّلُونَ وَتَصِيرُونَ مِثْلَ الأَوْلاَدِ الصِّغَارِ، فَلَنْ تَدْخُلُوا مَلَكُوتَ السَّمَاوَاتِ أَبَداً. فَمَنِ اتَّضَعَ فَصَارَ مِثْلَ هَذَا الْوَلَدِ الصَّغِيرِ، فَهُوَ الأَعْظَمُ فِي مَلَكُوتِ السَّمَاوَاتِ” الإنجيل: متى18: 3-4.
متخافش من الإكتشاف والمعرفة على خاطر فمّا حاجة حلوة تعزّينا وتشجّعنا وهي إلّي كلمة ربّي محفورة في قلوبنا حتّى من غير إدراكنا. وأنت تقرا باش تحس أنّو هذا هو الكلام إلّي روحك ترتاحلو وهذا هو التعليم إلّي تحس روحك تعرفوا وتصدّق أنّو حقيقة رغم أنك أول مرة تسمع بيه.
ما تنساش تتّصل بينا باش تتحصّل على الانجيل وتكون ليك فرصة أنّك تتعرّف على كلمة الله الحية.
نكتشف ديما مربوط بأنّي نشارك إلّي عرفتوا ونطيعوا في حياتي. نشجعك تقرا وتفهم شمعنتها نكتشف وشمعنتها نطيع.
لو عندك سؤال أو إستفسار إكتبلنا في الفاسبوك وفما شكون يتواصل معاك