وقتلّي زوز من الناس يقرّروا باش يكمّلوا حياتهم مع بعضهم هوما يعملوا عقد قران ويعملو حفلة يشهرو فيها العرس متاعهم ويلبس كل واحد منهم خاتم وهذاكا هو العلامة متع الإلتزام متاعهم ببعضهم وبعلاقتهم. صحيح الخاتم والحفلة مش هوما الحاجات إلّي خلاتهم معرسين أما بيهم يقولوا للعالم الكل أنهم متزوجين وملتزمين ببعضهم. هذا ديما يخلّيهم زادا يتفكروا أنهم مع بعضهم في وقت الفرح وزادا في وقت المشاكل والتحديات. في الزواج المسيحي مثلا فمّا عهود يقولها ويلتزم بيها كل واحد من العرسان أنهم باش يكونوا مع بعضهم في السرّاء والضرّاء وأنو كل واحد باش يقعد يحب الأخر ويكون سند ليه لباقي العمر.
نفس الحاجة بالنسبة لواحد يقرّر يكون مسيحي. هو يتعهّد لربي أنو يكرّس حياتو ليه طول عمرو. إلّي يؤمن بالمسيح يعلن إلّي يسوع هو الرب والمخلّص
“أَنَّكَ إِنِ اعْتَرَفْتَ بِفَمِكَ بِيَسُوعَ رَبّاً، وَآمَنْتَ فِي قَلْبِكَ بِأَنَّ اللهَ أَقَامَهُ مِنَ الأَمْوَاتِ، نِلْتَ الْخَلاصَ.” الإنجيل، رومية 10: 9.
كيما الخاتم هو العلامة في العرس، فمّا علامة خارجيّة في المسيحية وهي إلّي نسمّيوها المعموديّة.
العهد هذا للأبد ومالازمناش نستخفّوا بيه. السيد المسيح قال:
“فَقَالَ لَهُ يَسُوعُ: «مَا مِنْ أَحَدٍ يَضَعُ يَدَهُ عَلَى الْمِحْرَاثِ وَيَلْتَفِتُ إِلَى الْوَرَاءِ، يَصْلُحُ لِمَلَكُوتِ اللهِ” الإنجيل: لوقا 9: 62.
المعمودية هي البداية متع حياة الطاعة والعلاقة مع ربّي. وقتلّي ياخوا الواحد القرار هذا باش يبدا يكبر كلّ نهار في المحبّة والطاعة متع ربّي باقي عمرو.
كيفاش نتعمدوا؟ المعمودية هي التغطيس في الماء. والكتاب المقدّس يفهّمنا إلّي
“وَعَمَلِيَّةُ النَّجَاةِ هَذِهِ مُصَوَّرَةٌ فِي الْمَعْمُودِيَّةِ الَّتِي لاَ نَقْصِدُ بِهَا أَنْ نَغْتَسِلَ مِنْ أَوْسَاخِ أَجْسَامِنَا، بَلْ هِيَ تَعَهُّدُ ضَمِيرٍ صَالِحٍ أَمَامَ اللهِ بِفَضْلِ قِيَامَةِ يَسُوعَ الْمَسِيحِ” رسالة بطرس الاولى 3: 21
المعمودية بالماء كيما قلنا هي علامة ورمز على ذنوبنا إلّي تغسلت وقتلّي خذينا الغفران من عند ربّي على خاطر السيد المسيح فدانا على الصليب. (أعرف هوني
كيفاش المسيح فدانا بدمو على الصليب
). وكيما السيد المسيح إلّي مات وقام من الموت، أحنا زادا نعبّروا بالمعموديّة إلّي أحنا متنا على كل حاجة من الماضي وقتلّي كنّا عبيد لذنوبنا ورغباتنا وشهواتنا وقمنا من جديد باش نكونوا في حياة جديدة مع ربّي. هي الصورة الخارجية إلّي نعبروا فيها إلّي أحنا نتوبوا على كل حاجة عملناها في الماضي ونتبعوا طريق ربي ونعيشوا في القداسة معاه.
لو تحب تتواصل مع أخ مسيحي وتفهم أكثر على المعمودية تنجم تكتبلنا في الخاص