ديما نقولوا ونأكدوا أنّو الإيمان بيسوع المسيح هو الطريق الوحيد لنجاة الإنسان من حكم الموت. أما شنوة معناها الإيمان بيسوع المسيح مخلّص في حياتنا؟
الإيمان بيسوع المسيح يعني أنّو معادش نعملوا على رواحنا وتولّي ثقتنا بيه هو في كل شي وأنّو هو إلّي باش يوصّلنا للسماء. أحنا منجموش ندخلوا للسماء بأعمالنا الباهية أكاهو على خاطر قد ما نكونوا صالحين، أعمالنا تقعد محدودة ومتنجمش تصلّح حكم الموت إلّي علينا على خاطرنا ناس مذنبين في حق ربي من أول ما نتولدو. الكتاب المقدّس يعلّمنا:
«لَهُ يَشْهَدُ جَمِيعُ الأَنْبِيَاءِ أَنَّ كُلَّ مَنْ يُؤْمِنُ بِهِ يَنَالُ بِاسْمِهِ غُفْرَانَ الْخَطَايَا». أعمال10: 43
«الَّذِي فِيهِ لَنَا الْفِدَاءُ، بِدَمِهِ غُفْرَانُ الْخَطَايَا، حَسَبَ غِنَى نِعْمَتِهِ». أفسس1: 7
وقتلّي الواحد يؤمن أنّو يسوع المسيح هو الطريق باش ذنوبو تتغفر، وقتها تبدا في داخلو حياة جديدة.
«إِذاً إِنْ كَانَ أَحَدٌ فِي الْمَسِيحِ فَهُوَ خَلِيقَةٌ جَدِيدَةٌ. الأَشْيَاءُ الْعَتِيقَةُ قَدْ مَضَتْ. هُوَذَا الْكُلُّ قَدْ صَارَ جَدِيداً». كورنثوس الثانية 5: 17
ووقتها يولّي تابع ليسوع المسيح ويعتمد عليه في كل أمور حياتو. السيد المسيح وعد أنّو كل إلّي يؤمن بيه روح الله يسكن فيه ويرشدو ويعلموا كل شي.
«أَمَّا الرُّوحُ الْقُدُسُ فَإِنَّهُ يُعَلِّمُكُمْ كُلَّ شَيْءٍ، وَيُذَكِّرُكُمْ بِكُلِّ مَا قُلْتُهُ لَكُمْ.» الإنجيل: يوحنا14: 26
ربّي يعلّمنا طريقو وحقّو وينظّف أفكارنا من كل حاجة خايبة وغالطة ويورّينا الصحيح. ووقتها معادش نكونوا عبيد للذنوب.
لازم نعرفوا أنّو وقت نقول أنّي قبلت المسيح وذنوبي تغفرت هذا ما يعنيش أنّو نعمل إلّي نحب ونعيش كيما نحب وأهاوكا قيّد على ذنوبي مغفورة. هذا غالط ومش صحيح. أما الحقيقة هي وقت إلّي نقبل بالحق المسيح في حياتي ونفهم إلّي عملوا على خاطري والثمن الغالي إلّي تتدفع باش أنا نعيش حر، وقتها أنا نولّي إنسان جديد، إتّكالي على ربي أكاهو، ونولّي نكره الخطية إلّي تبعّدني عليه ويبدا ربّي يخدم وينظّف قلبي وفكري ونولّي عندي حرّية أنّو نقول للشهوة والخطية لا. إلّي يقبل المسيح بالحق هو شخص يعيش بعيد على الخطية ويعيش تحت الضو متع كلمة ربّي في كل حاجة في حياتو. خاطر محبّة ربي تعني طاعتو والإتكال عليه. قال السيد المسيح:
«إِنَّكُمْ إِنْ ثَبَتُّمْ فِي كلاَمِي فَبِالْحَقِيقَةِ تَكُونُونَ تلاَمِيذِي وَتَعْرِفُونَ الْحَقَّ وَالْحَقُّ يُحَرِّرُكُمْ». الإنجيل: يوحنا8: 31-32
«تَعَالَوْا إِلَيَّ يَا جَمِيعَ الْمُتْعَبِينَ وَالثَّقِيلِي الأَحْمَالِ وَأَنَا أُرِيحُكُمْ. اِحْمِلُوا نِيرِي عَلَيْكُمْ وَتَعَلَّمُوا مِنِّي لأَنِّي وَدِيعٌ وَمُتَوَاضِعُ الْقَلْبِ فَتَجِدُوا رَاحَةً لِنُفُوسِكُمْ». متى11: 28-29
وقت إلّي قلوبنا خاضعة لربي في كل شيء وقتها ربي يعلّمنا كل شيء. هو يورّينا كل شيء ويرشدنا لكل شيء حتّى لشنوّة نقولوا في صلاتنا. قالنّا يسوع المسيح:
«أَنَا الْكَرْمَةُ وَأَنْتُمُ الأَغْصَانُ. الَّذِي يَثْبُتُ فِيَّ وَأَنَا فِيهِ هَذَا يَأْتِي بِثَمَرٍ كَثِيرٍ لأَنَّكُمْ بِدُونِي لاَ تَقْدِرُونَ أَنْ تَفْعَلُوا شَيْئاً». الإنجيل: يوحنا15: 5
لو عندك سؤال أو إستفسار إكتبلنا في الفاسبوك وفما شكون يتواصل معاك