شارك_ الميلاد

قصص وحكايات من فترة ميلاد المسيح

قراها معانا وتأمل فيها وإستخرج منها الدروس العميقة

وما تنساش تشارك الفرحة والميلاد

كان فما برشا أنبياء جاو قبل السيد المسيح وأكثريتهم كان ليهم نبوات كبيرة على ولادة السيد المسيح وحياتو قبل ميات السنين من ولادتو. النبي إشعياء من أعظم الأنبياء إلّي تكلموا على السيد المسيح وكيفاش ولادتو. مكتوب في سفر إشعياء:

وَلَكِنَّ السَّيِّدَ نَفْسَهُ يُعْطِيكُمْ آيَةً: هَا الْعَذْرَاءُ تَحْبَلُ وَتَلِدُ ابْناً، وَتَدْعُو اسْمَهُ عِمَّانُوئِيلَ. إشعياء 7: 14

عمّانوئيل هي كلمة عبرية معناها “الله معانا”.

كانت ولادة السيد المسيح هي الوعد إلّي تحقق أنو “الله معانا”. وفيه تعبير على العلاقة الحميمة مع الله.

بعد ولادة المسيح صارلنا القدرة أنو نكونوا في العلاقة هذي مع الله أنو هو معانا

الله معانا يعني أنو الله يهتم بينا ويرعانا ويحمينا بحضورو. أحنا ديما نصليوا ديما ونقولوا يا ربي كون معانا. أما الصلاة هذي تحققت من ألفين سنة وقت إلّي تولد السيد المسيح وصار عندنا القدرة أنو نشوفوا ربي ونحسوه قريب منا في كل لحظة من حياتنا.

فما روعة أعظم من أنو نحسوا أنو الله معانا في كل لحظة وكل ظرف؟

إستمتع بحضور الله في حياتك في هالفترة من الميلاد

“هُوَذَا مَسْكَنُ اللهِ مَعَ النَّاسِ، وَهُوَ سَيَسْكُنُ مَعَهُمْ، وَهُمْ يَكُونُونَ لَهُ شَعْبًا، وَاللهُ نَفْسُهُ يَكُونُ مَعَهُمْ إِلهًا لَهُمْ” (رؤيا 21: 3).

لو عندك سؤال أو إستفسار إكتبلنا في الفاسبوك وفما شكون يتواصل معاك