شارك_ الميلاد

قصص وحكايات من فترة ميلاد المسيح اقراها معانا وتأمل فيها واستخرج منها الدروس العميقة وما تنساش تشارك الفرحة والميلاد

كان زكريا هو الكاهن في الوقت هذاكا لشعب الله وفي الوقت اللي كان في الهيكل جاه ضيف مفاجئ:

جاه الملاك جبرائيل برسالة من السماء ليه ولمرتو أليصابات

“لا تخف زكريا، قد سمعت تضرعاتك”.

كان كلام الملاك في هاللحظة هي أعظم حاجة صارت في حياة زكريا. سنين وسنين كان هو ومرتو يصلّيو باش يجيبو صغار من غير حتى اجابة واليوم جاهم الجواب.

بعد سنين من الانتظار والصلاة والايمان، ربي استجاب. أكيد برشا سؤالات جاتهم في الوقت هذاكا. تنجم اليصابات تولد في العمر هذا؟ باش تنجم تتحمل الولادة؟

لكن الله صالح وقادر على صنع المعجزات.

الله يسمع صلاتك ويهتم بكل احتياجاتك ويحب انك تجيه وتصليلو بثقة.

قال السيد المسيح في الانجيل:

“اِسْأَلُوا تُعْطَوْا. اُطْلُبُوا تَجِدُوا. اِقْرَعُوا يُفْتَحْ لَكُمْ. 8لِأَنَّ كُلَّ مَنْ يَسْأَلُ يَأْخُذُ، وَمَنْ يَطْلُبُ يَجِدُ، وَمَنْ يَقْرَعُ يُفْتَحُ لَهُ. ” الانجيل: متى7: 7

على شنوة تصلّي؟ ممكن علاقة مش ناجحة؟ أزمة مادية؟ مشاكل صحية؟ عندك سنين وانت تصلّي ومجاتكش حتى استجابة؟

اليوما نحب نقولك اللّي استجاب لاليصابات وزكريا وعمل معجزة في حياتهم قادر انو يجاوبك اليوم.

خلّي صلاتك مليانة توقّع وأمل وثقة

في فترة الميلاد هذي نحبو نتذكرو انو المعجزات صارت ومازالت تصير والصلوات تستجاب والله يسمع.

اليوما نصدقو انو المستحيل هو مستطاع عند الله

لو عندك سؤال او استفسار اكتبلنا في الفاسبوك وفما شكون يتواصل معاك