معمودية رمزي من تونس

بعد بحث طويل، عرفت اللّي المسيح هو الطريق والحق والحياة وانّو مفمّاش طريق للحياة الابدية. قرّرت انّي نتبّع المسيح مهما تكون الصعوبات والناس اللّي باش تعاديني وتظلمني. قدّمت توبتي لربّي وصلّيت انّي نقبل المسيح هو المخلّص والسيد على حياتي. حسّيت نهارتها انّي تولدت من جديد انسان جديد متبدّل ومليان بالمحبة والغفران متع ربّي. قريت في الانجيل اللّي المسيح قال اللّي يحبني لازم يطيع ويتبّع التعاليم متاعي. وقريت انّو المعمودية هي وصيّة اعطاها السيد المسيح كيما العلامة اللّي بيها نعلن ايماني وحياتي الجديدة مع ربّي. طلبت من الراجل اللّي عاوني باش نعرف أكثر على المسيح انّي نتعمّد وهو فرح برشا على خاطرني نطيع في وصيّة ربي. حدّدنا نهار واستدعينا شوية اخوة في الايمان باش يشاركوني فرحتي بالنهار هذاكا وكان بالحق اكثر نهار مميّز في حياتي بعد نهار صلاتي وايماني بالمسيح. مشينا للبحر ودخلت انا وصاحبي وبعد ما سألني سؤالات أكّدت فيهم ثقتي وايماني مهما كانت الظروف، غطّست في الماء الكلّي وقمت. الاحساس هذا مش طبيعي، حسّيت انّو رمزي القديم باللّي فيه من حاجات خايبة مات وقام مع المسيح رمزي جديد حرّ من كل ذنوب ومليان بالفرحة والمحبة لربّي. اخواتي في المسيح شاركوني فرحتي وصلّينا وشكرنا ربّي ورنّمنا وسبّحنا. مستحيل ننسى النهار هذاكا.

فيديو عن المعمودية

لو عندك سؤال او استفسار اكتبلنا في الفاسبوك وفما شكون يتواصل معاك