الإنجيل حكالنا على حادثة مشهورة. فمّا ليلة جا راجل دين يهودي إسمو نيقوديموس للسيد المسيح. رجل الدين هذا كان إنسان معروف أنو تقي وأكيد كان يخمم في داخلو أنو خير من برشا عباد. قال ليسوع المسيح:
“يَا مُعَلِّمُ، نَعْلَمُ أَنَّكَ جِئْتَ مِنَ اللهِ مُعَلِّماً، لأَنَّهُ لَا يَقْدِرُ أَحَدٌ أَنْ يَعْمَلَ مَا تَعْمَلُ مِنْ آيَاتٍ إِلاَّ إِذَا كَانَ اللهُ مَعَهُ». 3 فَأَجَابَهُ يَسُوعُ: «الْحَقَّ الْحَقَّ أَقُولُ لَكَ: لَا أَحَدَ يُمْكِنُهُ أَنْ يَرَى مَلَكُوتَ اللهِ إِلاَّ إِذَا وُلِدَ مِنْ جَدِيدٍ». 4 فَسَأَلَهُ نِيقُودِيمُوسُ: «كَيْفَ يُمْكِنُ الإِنْسَانَ أَنْ يُولَدَ وَهُوَ كَبِيرُ السِّنِّ؟ أَلَعَلَّهُ يَسْتَطِيعُ أَنْ يَدْخُلَ بَطْنَ أُمِّهِ ثَانِيَةً ثُمَّ يُولَدَ؟» الإنجيل: يوحنا 3 : 2- 4
ووقتها فهموا المسيح أنو أحنا الكلنا نتولدوا ولادة جسدية أما وقت إلّي نقرّروا أنو نتبعوا الله بكل قلوبنا وقتها باش نعيشوا ونختبرو ولادة جديدة روحية وحياة جديدة فيه
مالا مش معنتها واحد تولد في بيت مسيحي وإلا أهلو مسيحيين وإلا واحد عندو برشا معرفة ومعلومات عن الله أنو هو عندو علاقة مع ربي. المسيحية ماهيش وراثة وإلا هي معلومات، المسيحية هي علاقة روحية مع ربي منجموا ندخلوا فيها كان منتولدوا ولادة روحية وقت إلّي نقبلوا يسوع المسيح مخلّص لحياتنا. وقتها يصير تغيير شامل في حياتنا تتغير فيها طبيعة الإنسان من شخص مينجمش يتحكم في رغباتو وشهواتو لشخص حر عايش في القداسة وبعيد على المعاصي. ويولي عندو فكر المسيح الروحي ومعادش عندو أفكار العالم الأرضية
«فَأَنْتُمْ قَدْ وُلِدْتُمْ وِلاَدَةً ثَانِيَةً لَا مِنْ زَرْعٍ بَشَرِيٍّ يَفْنَى، بَلْ مِمَّا لَا يَفْنَى: بِكَلِمَةِ اللهِ الْحَيَّةِ الْبَاقِيَةِ إِلَى الأَبَدِ. (1 بطرس 1 : 23)
الكتاب المقدس يقولنا إلّي :
“فَإِنَّهُ إِذَا كَانَ أَحَدٌ فِي الْمَسِيحِ، فَهُوَ خَلِيقَةٌ جَدِيدَةٌ: إِنَّ الأَشْيَاءَ الْقَدِيمَةَ قَدْ زَالَتْ، وَهَا كُلُّ شَيْءٍ قَدْ صَارَ جَدِيداً.” كورنثوس الثانية 5: 17
لو أنت زادا تحب تقبل المسيح وتعطي حياتك ليه وتختبر الولادة الجديدة بالروح صلي الصلاة هذي:
يا إلهي العظيم
نحب نتولد من جديد بالروح. نحب نتخلّى على كل شهواتي ورغباتي الشخصيّة. أنت يارب تعرف الأحسن ليّا ونعطيك كلّ الثقة بالكامل. نحب نعيش كل الباقي من حياتي ليك. أنا نصدّق إلّي السيد المسيح هو مات على خاطري. يارب إغفرلي ذنوبي في الماضي. نحب نبدا من جديد معاك ونحب نتبعك. نحب نبدا كيما الطفل الصغير أني نكبر في معرفتك لآخر يوم في عمري.
لو عندك سؤال أو إستفسار إكتبلنا في الفاسبوك وفما شكون يتواصل معاك